முதன்மை பக்கம் வார பலன் (Weekly Prediction)
(14 - 21 ஆகஸ்டு 2017)
வார பலன்
 
மேஷம்
எதிர்நீச்சல் போடுபவர்களே! சுக்ரன் சாதகமான வீடுகளில் செல்வதால் உங்களின் போக்கில் நல்ல மாற்றம் உண்டாகும். எதிர்பார்த்திருந்த தொகை கைக்கு வரும். புதிதாக வாகனம் வாங்குவீர்கள். வீட்டில் கூடுதல் அறை அமைப்பது, தளம் கட்டுவது போன்ற முயற்சிகளில் ஈடுபடுவீர்கள். மனைவி உங்களுடைய புதிய திட்டங்களை ஆதரிப்பர். அவருக்கு புது வேலையும் அமையும். புது வாய்ப்புகளும், பொறுப்புகளும் தேடி வரும். புதிய அணுகுமுறையால் சொத்துப் பிரச்னை தீரும். வழக்கு சாதகமாகும். சகோதரங்களின் அரவணைப்பு அதிகரிக்கும். குடும்பத்தில் அமைதி திரும்பும் என்றாலும் ராகு 4-ல் நிற்பதால் பல், காது வலி, தொண்டை புகைச்சல் வந்துப் போகும். புதன் சாதகமான வீடுகளில் செல்வதால் வெளிநாட்டில் இருக்கும் நண்பர்கள், உறவினர்களால் ஆதாயம் உண்டு. அஷ்டமத்துச் சனி தொடர்வதால் சில நேரங்களில் ஏமாற்றங்களை உணர்வீர்கள். நம்பிக்கையின்மை, வீண் செலவு, அசதி, சோர்வு வந்து நீங்கும். கன்னிப் பெண்களே! உங்களுடைய தனித்திறமையை வளர்த்துக் கொள்வீர்கள். வியாபாரத்தில் லாபம் உயரும். புதிய வாடிக்கையாளர்கள் தேடி வருவார்கள். பழைய பங்குதாரர் மீண்டும் வந்து இணைவார். உத்யோகத்தில் உயரதிகாரி சில சமயங்களில் உங்களை கடிந்துப் பேசினாலும் அன்பாக நடந்து கொள்வார். கலைத்துறையினரே! உங்களின் கலைத்திறன் வளரும். நிதானித்து செயல்படுவதால் நினைத்ததை சாதிக்கும் வாரமிது. அதிஷ்ட தேதிகள்: 14, 17, 18 அதிஷ்ட எண்கள்: 4, 8 அதிஷ்ட நிறங்கள்: மெரூண், வெள்ளை அதிஷ்ட திசை: வடமேற்கு
 
ராசி குணங்கள்