முதன்மை பக்கம் வார பலன் (Weekly Prediction)
(14 - 21 ஆகஸ்டு 2017)
வார பலன்
 
கும்பம்
லட்சிய கனவுடன் வாழ்பவர்களே! ராகு 6-ம் இடத்தில் நிற்பதால் எதிர்பார்ப்புகள் நிறைவேறும். கேட்ட இடத்தில் பணம் கிடைக்கும். சமூகத்தில் பெரிய அந்தஸ்தில் இருப்பவர்களின் தொடர்பு கிடைக்கும். புதிதாக வீடு, வாகனம் வாங்குவீர்கள். பிள்ளைகளுடன் மனம் விட்டு பேசுவீர்கள். கழிவு நீர், குடி நீர்ப் பிரச்னை தீரும். விலை உயர்ந்த சமையலறை சாதனங்கள் வாங்குவீர்கள். உறவினர்கள், நண்பர்கள் உங்களின் பெருந்தன்மையை புரிந்துக் கொள்வார்கள். பால்ய நண்பர்களின் சந்திப்பால் மகிழ்ச்சி அடைவீர்கள். 17-ந் தேதி முதல் சூரியன் 7-ல் ஆட்சிப் பெற்று நுழைவதால் புது வேலைக் கிடைக்கும். அரசு காரியங்கள் சாதகமாக முடியும். மனைவியின் உடல் நலம் சீராகும். மனைவிவழி உறவினர்கள் மதிப்பார்கள். குரு சாதகமாக இல்லாததால் தாழ்வுமனப்பான்மை, தர்ம சங்கடமான சூழ்நிலை, வீண் விரையம், ஏமாற்றம் வந்துச் செல்லும். எண்ணெயில் பொரித்த உணவுகளை தவிர்ப்பது நல்லது. செவ்வாய் சாதகமாக இருப்பதால் சகோதர வகையில் ஆதாயம் உண்டாகும். பயணங்களால் பயனடைவீர்கள். கன்னிப்பெண்களே! பள்ளிக் கல்லூரி காலத் தோழியை சந்தித்து மகிழ்வீர்கள். வியாபாரத்தில் லாபம் குறையாது. வேலையாட்கள் விசுவாசமாக நடந்து கொள்வார்கள். உத்யோகத்தில் உங்கள் உழைப்பிற்கு அங்கீகாரம் கிடைக்கவில்லையே என ஆதங்கப்படுவீர்கள். கலைத்துறையினரே! பழைய நிறுவனத்திலிருந்து புது வாய்ப்புகள் தேடி வரும். தராதரம் அறிந்து செயல்படும் வாரமிது. அதிஷ்ட தேதிகள்: 14, 18, 20 அதிஷ்ட எண்கள்: 3, 5 அதிஷ்ட நிறங்கள்: க்ரீம்வெள்ளை, பிங்க் அதிஷ்ட திசை: வடமேற்கு
 
ராசி குணங்கள்