முதன்மை பக்கம் வார பலன் (Weekly Prediction)
(19 - 26 ஜூன் 2017)
வார பலன்
 
விருச்சிகம்
கலங்கி வருபவர்களின் கண்ணீரை துடைப்பவர்களே! சுக்ரன் 6-ல் மறைந்திருப்பதால் தொண்டை புகைச்சல், சளித் தொந்தரவு வந்துப் போகும். கணவன்-மனைவிக்குள் அனுசரித்துப் போங்கள். விலை உயர்ந்தப் பொருட்களை கவனமாக கையாளுங்கள். நம்பிக்கைக்குறியவர்களை ஆலோசித்து சில முக்கிய முடிவுகள் எடுப்பீர்கள். செவ்வாய் 8-ல் தொடர்வதால் சிறுசிறு நெருப்புக் காயங்கள், இரத்த சோகை, வீடு, மனை வாங்குவது, விற்பதில் சிக்கல்கள் ஏற்படும். அரசுக்கு செலுத்த வேண்டிய வரிகளில் தாமதம் வேண்டாம். ஆனால் குருபகவான் லாப வீட்டில் நிற்பதால் உங்களின் முன்னேற்றத்திற்கு எவ்வளவு தடைகள் வந்தாலும் போராடி வெற்றி பெறும் சக்தி கிடைக்கும். சமூகத்தில் பெரிய அந்தஸ்தில் இருப்பவர்களின் நட்பு கிடைக்கும். திருமணம், சீமந்தம், கிரகப் பிரவேசம் போன்ற சுப நிகழ்ச்சிகளால் வீடு களைக்கட்டும். குழந்தை பாக்யம் கிடைக்கும். அரசியல்வாதிகளே! அநாவசியமாக யாருக்காகவும் எந்த உறுதிமொழியும் தர வேண்டாம். கன்னிப் பெண்களே! பெற்றோரை தவறாகப் புரிந்துக் கொள்ளாதீர்கள். வியாபாரத்தில் போட்டிகளை சமாளிக்க அதிகம் உழைக்க வேண்டி வரும். உத்யோகத்தில் சக ஊழியர்கள் உங்கள்மீது அதிருப்தியடைவார்கள். மேலதிகாரி ஆதரிப்பார். கலைத்துறையினரே! புதிய வாய்ப்புகள் வரத் தொடங்கும். அநாவசியச் செலவுகளை தவிர்க்க வேண்டிய வாரமிது. அதிஷ்ட தேதிகள்: 20, 21, 22 அதிஷ்ட எண்கள்: 2, 4 அதிஷ்ட நிறங்கள்: க்ரீம்வெள்ளை, ஊதா அதிஷ்ட திசை: மேற்கு
 
ராசி குணங்கள்